Investoni në Një Kosovë të Informuar

Mbështesni gazetarinë e pavarur për të mbrojtur interesat kombëtare të Kosovës. Abonimi ose donacioni juaj fuqizon të vërtetën dhe garanton një të ardhme të informuar.

I dashur lexues, revista SPOTLIGHT është krijuar për ju, për t’ju ofruar lajme dhe analiza të pavarura, që mbrojnë interesat tona kombëtare dhe ju ndihmojnë të bëni zgjedhje të informuara.

Çfarë ndodh kur lajmet financohen nga grupe interesash apo parti politike?

Nëse një media financohet nga grupe interesash ose parti politike, ajo humb pavarësinë. Ato lajme nuk janë për të vërtetën, por për interesat e atyre që paguajnë. Në vend që t’ju tregojnë çfarë po ndodh në të vërtetë, ata ju bombardojnë me propagandë që i ndihmon ata të përfitojnë dhe e dëmton interesin tuaj në kurrizin tuaj.

Unë refuzoj kategorikisht të marr para nga burime të tilla.

Përse?

Sepse besoj që e vërteta duhet t’i shërbejë qytetarit, e jo grupeve të privilegjuara.

Si ndihmon gazetaria e pavarur dhe cilësia mediale?

Për dy vite me radhë, raportimet e mia kanë sjellë ndikime të jashtëzakonshme që mbrojnë Kosovën dhe të ardhmen e saj.

Ja disa nga arritjet tona:

1. Shkarkimi i Gabriel Escobar-it¹ pas ekspozimit të lidhjeve të tij të dyshimta.

2. Ndalesa e Richard Grenell-it² për të marrë pozitën e Sekretarit të Shtetit në SHBA.

3. Dështimi i Miroslav Lajçak-ut³ për të vazhduar karrierën diplomatike, duke ekspozuar lidhjet e tij me Moskën.

4. Ekspozimi i lidhjeve të dyshimta⁴ të personazheve si Berat Buzhala⁵ dhe përpjekjet për të mbrojtur të vërtetën në media.

5. Ekspozimi i narrativave manipuluese nga Asociacioni i Gazetarëve të Kosoves⁶.

Këto dhe shumë të tjera janë arritur vetëm sepse kemi mbetur të pavarur, duke raportuar të vërtetën, sado e papërshtatshme të jetë ajo për disa.

Me këtë qasje profesionale dhe etike të gazetarisë cilësore, ne u sulmuam nga OJQ dhe media të financuara nga disa ambasada perëndimore, siç është OJQ-ja S Bunker⁷. Këta jo vetëm që sulmuan dhe orkestruan përpjekje të gjerë për ta diskredituar gazetarinë e pavarur pasi ne zbuluam dhe raportuam dyshimet për lidhjet familjare të diplomatit Gabriel Escobar me qeverinë e Serbisë⁸ dhe interesat e saj, por gjithashtu ne në Gunpowder Chronicles, i ekspozuam përpjekjet e S Bunker për të avancuar dhe mbështetur propagandën e diskursit politik të Serbisë agresive kundër Kosovës⁹. Në këtë proces, ne zbuluam edhe praktikat e tyre të dyshimta që çuan në mbështetjen e politikanëve pro-rusë, të cilët S Bunker i prezantoi te publiku në Kosovë¹⁰ në një përpjekje për të sulmuar dhe delegjitimuar masat mbrojtëse të Republikës së Kosovës kundër agresionit serb.

Së fundmi, këtë dhjetor, përmes platformës sonë në gjuhën angleze, ne raportuam dyshimet se vëllai i diktatorit Al-Assad fshihej në Serbi¹¹ dhe zbuluam lidhjet e Berat Buzhalës me figura të listuara në listën e zezë të SHBA-së. Këto ekspozime bënë që krahët globalë mediatikë të propagandës ruse¹², si Russia Today¹³ dhe gazeta PRAVDA¹⁴, të më sulmonin personalisht, duke u përpjekur të më paraqesin si të çmendur ose si gazetar të pabesueshëm.

Përfitimet e abonimit tuaj

Kur abonoheni ose bëni një donacion, ju ndihmoni në:

• Forcimin e gazetarisë së pavarur, që i shërben popullit dhe jo interesave të ngushta.

• Mbrojtjen e interesave kombëtare, duke siguruar që dikush po ndriçon të vërtetën dhe mbron të ardhmen tonë.

• Garantimin e informimit të drejtë, që është baza e vendimeve të zgjuara dhe të qëndrueshme.

Ju bëni ndryshimin

Abonimi juaj nuk është thjesht një pagesë. Është një investim për të ardhmen e vendit tonë dhe një hap i madh drejt një shoqërie të informuar dhe të drejtë. Së bashku, mund të ndalojmë përhapjen e propagandës dhe të sigurojmë që të vërtetat tona të mos heshten.

👉 Abonohu tani në platformën shqip:
Kliko këtu për t'u abonuar Shqip.

---

👉 Abonohu në platformën anglisht për audiencën globale:
Kliko këtu për t'u abonuar Anglisht.

---

Përveç abonimit, ju mund të bëni një donacion të vetëm sipas dëshirës suaj, duke kontribuar në mbështetjen e gazetarisë së pavarur dhe ruajtjen e interesave kombëtare.

Të dashur lexues, ju ftojmë t’i inkurajoni të tjerët të abonohen dhe të bashkohen në këtë mision të përbashkët për të mbrojtur të vërtetën dhe interesat tona kombëtare. Me mbështetjen tuaj, ne mund të rrisim ekipin tonë editorial dhe të përgatitemi për sfidat e këtij viti, duke siguruar që gazetaria jonë cilësore të shërbejë si një mburojë kundër propagandës dhe manipulimeve.

Faleminderit që bëheni pjesë e kësaj përpjekjeje për një të ardhme më të ndritur dhe më të drejtë për të gjithë ne!

Me respekt,

Vudi Xhymshiti.

Më poshtë gjeni një fragment 3-minutësh nga pjesëmarrja ime në programin "A Show" të gazetarit shqiptar Adi Krasta. Klikoni këtu për të ndjekur programin e plotë.

1. Gabriel Escobar, Sfidat e Paanshmërisë mbi Integritetin e Diplomacisë Amerikane — SPOTLIGHT / FRONTLINER.

2. Richard Grenell: Diplomatic Maverick of Moscow or a Mercenary, Controversial Enigma? — FRONTLINER.

3. Miroslav Lajcak: The Envoy Under Fire — GPC.

4. Ndërveprimi Kompleks i Ndikimit të Medias dhe Fuqisë Politike në Kosovë — SPOTLIGHT.

5. Berat Buzhala, Listat e Zeza të SHBA-së dhe Kërcënimi i Sigurisë Kombëtare — SPOTLIGHT / GPC / FRONTLINER.

6. Dezinformimi dhe Kufijtë e Lirisë së Shtypit në Kosovë — SPOTLIGHT / GPC.

7. S Bunker & Agon Maliqi në X. — Vegëza tek Postimi i Tyre.

8. SYRI TV TASK FORCE/ Gabriel Escobar 'sikleti' diplomatik i DASH — TV Syri YuTube.

9. From Watchdog to Lapdog: The Troubling Agenda of S Bunker — GPC.

10. US-Funded NGO Sparks Outrage by Hosting Pro-Putin Politician — GPC.

11. Is Syrian War Criminal and Brother of Bashar, Maher Al-Assad, Hiding in Serbia? — GPC.

12. Një Gazetar, Një e Vërtetë dhe Frika e Kremlinit — SPOTLIGHT.

13. Луда оптужба албанског новинара из Лондона: Асадов брат се крије у Србији? Russia Today— Serbia [PDF].

14. Luda optužba albanskog novinara iz Londona: Asadov brat se krije u Srbiji? — PRAVDA.