"SPOTLIGHT": Një Rilindje e Medias Shqiptare për Raportim Cilësor dhe të Pavarur
"SPOTLIGHT" përfaqëson një rilindje të medias në hapësirën shqiptare.
Ne jemi të përkushtuar ndaj raportimit cilësor, të pavarur e profesional.
Detyra e shtyllës së katërt është të mbajë qeverinë lokale dhe qendrore përgjegjëse, por duke parë se në vend të kësaj, ka një zhurmë të bazuar në gënjeshtra dhe narrativa të rreme që synojnë të minojnë vlerat demokratike dhe sigurinë kombëtare, ne vendosëm të vijmë tek ju.
Themeli i revistës "SPOTLIGHT" vjen si përkushtim profesional për të ruajtur vlerat demokratike dhe sigurinë kombëtare. Ne besojmë se mund ta arrijmë atë me gazetari të pavarur dhe cilësi të raportimit të lajmeve.
Publiku ynë po helmohet me narrativa të rreme të ngarkuara politikisht, që kërcënojnë strukturën shoqërore dhe parimet themelore të mbledhjes cilësore të informacioneve dhe plasimit të tyre si lajme. Këto fushata alarmante kanë përmbytur transmetuesit kombëtarë dhe diskursin publik me narrativa toksike që minojnë demokracinë, mirëqenien e shoqërisë sonë dhe sigurinë kombëtare duke promovuar individë të pa aftë, të pa kualifikuar e mercenarë për të shprehur mendime lidhur me diskursin publik.
Mediat e financuara nga entitete të huaja kanë përzënë ekspertët dhe analistët e vërtetë (të cilët kanë integritet profesional dhe njerëzor,) nga ekranet e transmetimit të informacioneve dhe dritaret e shkrimit, duke lënë qytetarin në një humnerë dëshpërimi për edukim publik dhe duke ia cënuar qytetarit të drejtën për të marr vendime të mirë-informuara.
“SPOTLIGHT”, do të fokusohet në çështje të kujdesit shëndetësor të publikut dhe çështje të tjera sociale, kulturore, ekonomike, të drejtësisë dhe ato politike, duke raportuar nga qeveria qendrore dhe lokale përmes gazetarisë hulumtuese dhe duke kërkuar përgjegjësinë e qeverisë sa herë që gjejmë se gjërat nuk janë në rregull.
Mos humb asnjë lajm — çdo shkrim i ri dërgohet direkt në kutinë tuaj të email-it.
Për një përvojë leximi pa spam dhe pa reklama, regjistrohuni me pagesë tek '“SPOTLIGHT”.
Bashkohu me ne që të hedhim dritë në terrin informativ të financuar nga entitete armiqësore të vendit.
Bëhu pjesë e një komuniteti njerëzish që ndajnë interesat tuaja. Merr pjesë në seksionin e komenteve ose mbështet këtë punë me një regjistrim me pagesë.
Botues Vudi Xhymshiti.
