Trump në Qendër të Dyshimeve: Inteligjenca Perëndimore Shkëputet nga SHBA
Gunpowder Chronicles raporton se 13 shtete perëndimore kanë ndërprerë ndarjen e informatave të sigurisë me SHBA-në, duke e lidhur këtë vendim me afrimin e Trumpi me Rusinë.
Disa nga aleatët më të ngushtë të Shteteve të Bashkuara po rishikojnë shkallën e ndarjes së informatave me Uashingtonin, mes shqetësimeve për afrimin e administratës Trump me Moskën, sipas katër burimeve me njohuri të drejtpërdrejta mbi diskutimet.
Zyrtarë nga vende aleate, përfshirë Izraelin, Arabinë Saudite dhe anëtarët e aleancës së inteligjencës "Five Eyes" – një bashkësi demokracish anglishtfolëse po e shqyrtojnë nëse është e nevojshme të bëhen ndryshime në protokollet ekzistuese të inteligjencës, në përgjigje të asaj që ata e shohin si një qasje gjithnjë e më përafruese e Uashingtonit ndaj Moskës.
"Këto diskutime tashmë po ndodhin," tha një burim i përfshirë drejtpërdrejt në çështje. Megjithatë, nuk është marrë ende ndonjë vendim përfundimtar, thanë burimet.
Mundësia e një rikalibrimi reflekton shqetësimet më të gjera brenda agjencive aleate të inteligjencës për mbrojtjen e burimeve të ndjeshme dhe metodave operative. Shërbimet e inteligjencës janë të detyruara nga një doktrinë e pashkruar e diskrecionit absolut ndaj agjentëve të huaj, duke siguruar mbrojtjen e tyre dhe fshehtësinë e identiteteve. Çdo cenim i këtij parimi, thanë ish-zyrtarë të sigurisë, mund të dëmtojë seriozisht besimin dhe të bëjë që aleatët të ngurrojnë të ndajnë informacione kritike me Shtetet e Bashkuara.
Rishikimi i protokolleve të ndarjes së inteligjencës është pjesë e një rivlerësimi më të gjerë të lidhjeve diplomatike, ekonomike dhe ushtarake me Uashingtonin, thanë burimet, teksa aleatët përpiqen të kuptojnë pasojat afatgjata të qasjes së administratës Trump ndaj aleancave globale.
13 Shtete Perëndimore Braktisin Inteligjencën Amerikane
Ndërsa mbetet e paqartë shtrirja e plotë e një ndryshimi të politikës amerikane ndaj Rusisë, burime të shumta, përfshirë zyrtarë të lartë perëndimorë, i thanë Gunpowder Chronicles1 të enjten se të paktën 13 shtete brenda bllokut të inteligjencës perëndimore kanë ndaluar ndarjen e inteligjencës me Uashingtonin gjatë dy javëve të fundit. Ky vendim, sipas tyre, lidhet drejtpërdrejt me ardhjen e Trump në Shtëpinë e Bardhë dhe qëndrimin e administratës së tij ndaj Ukrainës.
Shqetësimet mbi sigurinë e ndarjes së inteligjencës janë shtrirë edhe në çështjet e luftës kundër terrorizmit. Agjencitë perëndimore të inteligjencës e kanë kufizuar ndjeshëm bashkëpunimin me administratën Trump në çështjet e terrorizmit, sipas burimeve. Për më tepër, tensionet brenda vetë komunitetit të inteligjencës amerikane janë përshkallëzuar, me disa zyrtarë të sigurisë që shprehin shqetësime mbi karakterin e presidentit dhe lidhjet e tij të huaja.
Marrëdhëniet e Trump me presidentin rus Vladimir Putin dhe deklaratat e tij publike mbi rolin e Moskës në çështjet globale kanë alarmuar zyrtarët e inteligjencës, duke bërë që edhe disa nga partnerët më të ngushtë të Uashingtonit si Izraeli dhe Arabia Saudite të kufizojnë rrjedhën e inteligjencës. Pavarësisht retorikës publike të Trump për një qasje të ashpër ndaj Iranit, burime të verifikuara besojnë se ai po përdor Rusinë si një mburojë për të fshehur qëndrimin e vërtetë të administratës së tij ndaj regjimit të Teheranit.
Një burim tjetër i lartë paralajmëroi se Izraeli duhet të jetë jashtëzakonisht i kujdesshëm, veçanërisht duke pasur parasysh atë që vlerësohet gjerësisht brenda qarqeve të inteligjencës: se Hamasi ka përfituar historikisht nga mbështetja e fshehtë ruse. Sipas burimeve të njohura me çështjen, sulmi i 7 tetorit 2023 ndaj Izraelit u realizua me një mbështetje të konsiderueshme nga Moska, Teherani dhe Damasku, duke ngritur dyshime se operacioni nuk ishte thjesht një akt agresioni, por një përpjekje më e gjerë për të testuar aftësitë e reagimit të Izraelit dhe, për rrjedhojë, gatishmërinë e Uashingtonit për të ndërhyrë.
Duke shtuar më tej shqetësimet, zyrtarët rusë kanë sugjeruar vendosjen e trupave ruse në Gaza, një lëvizje që do të ndryshonte rrënjësisht ekuilibrat e sigurisë rajonale.
I dashur lexues, nëse vlerësoni përpjekjet e mia për të mbrojtur të drejtën tuaj për informim dhe të ardhmen e vendit tonë, ju ftoj të më mbështesni me aq sa mundeni.
Mund të bëni një donacion ose të abonoheni me pagesë €5 në muaj. Çdo kontribut juaj është një gur-themeli për të vazhduar të raportoj ndershmërisht dhe të hedh dritë mbi çështjet që kanë rëndësi për të gjithë ne.
Gazetaria e pavarur ka nevojë për mbështetjen tuaj për të mbrojtur sigurinë kombëtare, etikën e gazetarit dhe cilësinë e të raportuarit dhe integritetin tonë si komb.
Faleminderit që besoni dhe përkrahni këtë kauzë!
