Në Shitje: Revista që Sfidoi të Fuqishmit

Revista Frontliner është në shitje, por lufta jonë kundër korrupsionit, propagandës dhe padrejtësive nuk ka mbaruar.

Të dashur Lexues,

Me një ndjenjë krenarie dhe keqardhjeje, ju njoftoj për një moment të rëndësishëm në rrugëtimin e revistës Frontliner. Pas dy vitesh raportimi të pandërprerë hulumtues dhe gazetarie të guximshme, kam marrë vendimin e vështirë për ta hapur revistën Frontliner për blerje publike. Kjo revistë, që e krijova me bindje të thella personale, ka qenë në ballë të zbardhjes së korrupsionit, dezinformimit dhe manipulimit gjeopolitik në Ballkanin Perëndimor dhe Evropën Lindore.

Pse ky vendim?

Të mbash gazetarinë hulumtuese në këtë nivel nuk është punë e lehtë. Ndërsa jam jashtëzakonisht mirënjohës për mbështetësit shqiptarë dhe amerikanë që na ndihmuan deri tani, është e qartë se Frontliner ka nevojë për më shumë mbështetje financiare për të qëndruar i përball sfidave të ardhshme. Kjo është arsyeja pse kam vendosur ta hap revistën për shitje.

Mbajtja e një platforme të këtij niveli kërkon burime që shkojnë përtej pasionit dhe parimeve. Prandaj, sot, po kërkoj partnerë që ndajnë përkushtimin tonë për mbrojtjen e vlerave demokratike dhe mbajtjen e pushtetit para përgjegjësisë, në mënyrë që trashëgimia e revistës Frontliner të vazhdojë të rritet.

Lindur në Frontin e Luftës Gjeopolitike

Kur e publikuam revistën Frontliner në fund të vitit 2022, ishte më shumë se një botim. Ishte një mision. Pas 17 vitesh si reporter konfliktesh, duke parë kostot njerëzore të luftës dhe përhapjen tinëzare të autoritarizmit, e kuptova që kishte një nevojë të madhe për gazetari që shkon përtej sipërfaqes.

Frontliner u bë zëri që mungonte. Ne kemi hulumtuar rolet e fuqive të mëdha si SHBA, BE dhe Rusisë në formësimin e fatit të kombeve, duke zbuluar e raportuar lidhur me standardet e dyfishta dhe agjendat e fshehura. Nga rrjetet e lidhura me Kremlinin në Serbi, deri tek korrupsioni në Shqipëri dhe diplomacia hipokrite e Evropës, Frontliner kurrë nuk është frikësuar përballë kundërshtarëve të fuqishëm.

Një Trashëgimi e së Vërtetës

Ne kemi trajtuar të vërtetat e vështira që të tjerët i shmangnin ose përpiqen t’i mbulojnë, përfshirë raportimet që çuan në largimin e një diplomati të lartë amerikan, Gabriel Escobar. Gjetjet lidhur me lidhjet e dyshimta të Richard Grenell me interesat e Rusisë dhe Serbisë, e kemi ekspozuar gazetarinë mercenare në Kosovë deri tek ata që të mbështjeur me flamurin amerikan dhe atë të BE-së e kanë mbështetur dhe lehtësuar diskursin agresiv të Serbisë kundër Kosovës. Hulumtimet tona mbi korrupsionin sistematik, manipulimin e medias dhe bashkëpunimin politik zbuluan balancën e brishtë midis demokracisë dhe autoritarizmit në rajon.

Këto tregime patën një kosto. Përkushtimi ynë ndaj transparencës dhe përgjegjësisë na përballi me fushata të ashpra shpifjesh që synonin të na heshtnin. Por ne qëndruam të palëkundur, të mbështetur nga një rrjet i vogël por i përkushtuar hulumtuesish, mbështetësish financiarë dhe lexuesish si ju.

Kushtet e Blerjes

Çmimi fillestar është £250,000 për 80% të aksioneve, me mundësinë për të blerë deri në 90% të aksioneve. 10% e mbetura janë të ndara në dy pjesë nga 5%. Secila pjesë prej 5% mund të blihet për £30,000, dhe nëse tatimi në Mbretërinë e Bashkuar aplikohet, përgjegjësia është e blerësit. Ndërsa unë do të mbaj të drejtën për 10% të fitimeve për 15 vitet e ardhshme [e negociueshme]. Ofertat do të mbyllen më 1 janar 2025, dhe mundësia do t’i jepet ofertuesit më të lartë.

Ky është më shumë sesa një transaksion financiar; është një mundësi për një individ ose organizatë me të njëjtat vlera të çojë Frontliner në një nivel tjetër, duke ruajtur parimet e saj bazë të integritetit dhe raportimit të guximshëm. Të ardhurat do të përdoren me kujdes për të nderuar të gjithë kontribuuesit në suksesin tonë, përfshirë dhe investimin tim personal.

Nëse jeni të interesuar të blini 100% të kompanisë, duhet të jeni të gatshëm të paguani £345,000, dhe nëse tatimi në Mbretërinë e Bashkuar aplikohet, përgjegjësia është e juaja si blerës.

Një Ftesë për Bashkëpunim

Për cilindo blerës potencial: Unë mbetem i përkushtuar ndaj misionit të Frontliner-it dhe jam i gatshëm të ofroj udhëzimet e mia për politikën editoriale dhe strategjitë e ardhshme. Jam gjithashtu i hapur për të diskutuar mundësinë e qëndrimit si kryeredaktor, me kusht që standardet editoriale të revistës të pasqyrojnë parimet etike dhe shkëlqesinë e gazetarisë profesionale mbi të cilat Frontliner është ndërtuar.

Në thelb, Frontliner ka qenë gjithmonë për mbrojtjen e vlerave të demokracisë, lirisë dhe të vërtetës.

Ftoj këdo që dëshiron të vazhdojë këtë punë të rëndësishme të na kontaktojë nëpërmjet formës zyrtare.

Kufizime për Partnerët: Një Çështje Parimi

Dua të sqaroj se disa vende dhe entitete nuk do të merren në konsideratë për blerjen, për shkak të qëndrimit të tyre kundër vlerave demokratike ose lidhjeve me regjime autoritare. Vende si Rusia, Kina, Serbia dhe ato me pozita të ngjashme gjeopolitike nuk përputhen me misionin dhe parimet e Frontliner-it.

Kronikat e Barutit [Gunpowder Chronicles]: Një Përkushtim Personal ndaj së Vërtetës

Edhe pse ky kapitull i Frontliner-it mund të mbyllet, përkushtimi im personal ndaj të vërtetës mbetet i pandryshuar. Përmes blogut tim, Kronikat e Barutit dhe platformës Spotlight, unë do të vazhdoj të analizoj çështjet më kritike politike me të njëjtin integritet dhe guxim që ju prisni nga unë.

Për lexuesit, kontribuesit dhe mbështetësit tanë: Faleminderit.

Frontliner ekziston falë jush. Së bashku, kemi sfiduar pushtetin, kemi nxitur llogaridhënie dhe kemi lënë një ndikim të qëndrueshëm. Shpresoj që kapitulli i ardhshëm i Frontliner-it të vazhdojë të ndriçojë të vërtetat që kanë shumë rëndësi.

Me sinqeritet,
Vudi Xhymshiti
Themelues, Frontliner Magazine
Gazetar i Pavarur