Kur Politika Vret: Kush Donte Ta Vriste Albin Kurtin?

Kur një politikan pranon publikisht komplotin për vrasjen e tij, çfarë tregon kjo për shtetin? Në Kosovë, duket se vdekja është pjesë e lojës për pushtet.

PRISHTINË, Kosovë — Më 6 shkurt 2025, gjatë një paraqitjeje të drejtpërdrejtë në RTV Dukagjini, politikani veteran kosovar Xhavit Haliti konfirmoi detaje të një komploti për atentat ndaj Kryeministrit Albin Kurti.

Deklaratat e tij, të transmetuara në një segment katër-minutësh të siguruar nga The Gunpowder Chronicles, përforcojnë gjetjet kryesore të raportit tonë hulumtues të publikuar më 1 shkurt¹, duke zbuluar një konspiracion të nivelit të lartë të ndërthurur me elitat politike, krimin e organizuar dhe interesa të huaja.

Një Pranim Tronditës në Televizion

Gjatë intervistës, Haliti pohoi se një snajperist i kontraktuar nga Shqipëria ishte ngarkuar me eliminimin e tij. Ai sugjeroi se i njëjti rrjet vrasësish kishte në shënjestër edhe Kurtin. Ky pranim i paprecedentë fuqizon shqetësimet e vazhdueshme për klimën e paqëndrueshme politike në Kosovë, ku komplotet për atentate nuk janë më thashetheme të pëshpëritura, por realitete të pranuara.

Haliti, një figurë e njohur brenda Partisë Demokratike të Kosovës (PDK), zbuloi se agjenci të huaja të inteligjencës, saktësisht ato në Bruksel, kishin njohuri paraprake për këtë komplot, duke e ndërlikuar edhe më tej dimensionin gjeopolitik të çështjes. I pyetur për më shumë detaje, Haliti hezitoi, ndërsa përgjigjet e tij ç’orientuese ngritën më shumë pyetje sesa dhanë përgjigje.

“Unë u informova se snajperisti më i mirë nga Shqipëria ishte kontraktuar për të më eliminuar,” deklaroi Haliti, para se të sugjeronte se si Shqipëria ashtu edhe Serbia kishin interesa të drejtpërdrejta në destabilizimin e udhëheqjes së Kosovës.

Megjithatë, politikani nuk pranoi të emëronte organizatorët e këtij komploti, duke nxitur spekulime se mund të jetë duke mbrojtur figura kyçe brenda strukturave të krimit të organizuar në Kosovë.

Konfirmimi i Komplotit për Atentat

Deklaratat e Halitit përputhen me raportin e mëparshëm hulumtues të The Gunpowder Chronicles, të publikuar më 1 shkurt 2025².

Raportimi ynë, i bazuar në informacion të burimeve ndërkombëtare, zbuloi:

• Një komplot në vitin 2021 për të vrarë Kurtin dhe dy zyrtarë të tjerë, ku dyshohet se ishte i përfshirë vrasësi me pagesë Prek Kodra.

• Përfshirjen e gardës së vjetër politike të Kosovës, përfshirë Ramush Haradinajn dhe Sami Lushtakun, të cilët ruajnë lidhje të ngushta me rrjetet e krimit të organizuar.

• Dështimin sistematik të gjyqësorit të Kosovës për të vepruar kundër figurave kriminale të lidhura politikisht, duke treguar një korrupsion të rrënjosur thellë në institucionet shtetërore.

Për vite me radhë, mediat dhe fraksionet politike të lidhura me një rrjet të krimit të organizuar që e plaçkitën Kosovën për dy dekada tani në opozitë i kanë hedhur poshtë këto pretendime si manovra politike. Megjithatë, fjalët e Halitit tani shërbejnë si një konfirmim kjartë i gjetjeve tona të botuara në shkurt 2025, duke vërtetuar ekzistencën e rrjeteve të atentateve brenda peizazhit të brishtë politik të vendit.

Gjuha e Trupit të Një Njeriu Që Fsheh Sekrete

Gjatë gjithë intervistës, gjestet e Halitit ishin tregues i një shqetësimi të thellë. Ai shpesh buzëqeshte nervozisht, kruante hundën dhe faqen, dhe shmangte përgjigjet e drejtpërdrejta kur pyetej për personat përgjegjës për urdhërat e atentatit. Ky siklet i dukshëm sugjeron se ai ose po fsheh informacion kritik, ose ka frikë nga pasojat e zbulimit të mëtejshëm.

Pohimet e tij të përsëritura se organet e rendit në Kosovë janë ose të paafta ose të pafuqishme për të vepruar për shkak të ndërhyrjeve politike, forcojnë më tej shqetësimet mbi nivelin e ndikimit të mafias kriminale.

Kjo ngre një pyetje thelbësore: Nëse Haliti, një figurë kyçe e elitës politike të Kosovës, pretendon se u paguan vrasës për ta eliminuar, çfarë tregon kjo për klimën më të gjerë të paligjshmërisë në vend?

Pasojat Politike

Koha e rrëfimit të Halitit është domethënëse. Duke ardhur vetëm disa ditë pas publikimit të raportimit tonë hulumtues të 1 shkurtit³, deklarata e tij duket se ka disa qëllime strategjike:

• Kontrolli i Narrativës: Duke qenë se raportimi ynë po fitonte vëmendje, Haliti mund të ketë zgjedhur të pranojë komplotin publikisht për të shmangur zbulime të tjera të dëmshme.

• Presioni nga Inteligjenca Perëndimore: Pretendimi i tij se shërbimet e inteligjencës evropiane ishin në dijeni të komplotit sugjeron se ai mund të jetë shtyrë nga takime diplomatike ose raportime të sigurisë që t’i nxjerrë këto pretendime në pah.

• Një Paralajmërim për Rivalët: Nëse Haliti ishte një shënjestër, kjo mund të jetë mënyra e tij për t’i treguar kundërshtarëve politikë se ai nuk është i pambrojtur dhe posedon informacione që mund t’i ekspozojë.

Pavarësisht motivimeve të tij, fjalët e Halitit konfirmojnë një fakt të pamohueshëm: arena politike e Kosovës nuk është një hapësirë konkurruese demokratike, por një fushëbetejë ku mbijetesa diktohet nga pushteti, ndikimi dhe, ndonjëherë, dhuna me grykën e pushkës.

Çfarë Ndodh Tani?

Deklaratat e Halitit ngrenë pyetje urgjente mbi institucionet e sigurisë dhe sundimin e ligjit në Kosovë. Pyetja kyçe tani është: A do të veprojnë institucionet e drejtësisë dhe organet e rendit mbi këtë informacion, apo këto akuza do të mbeten të pa adresuara?

Megjithatë, pavarësisht kërkesave të përsëritura drejtuar Zyrës së Kryeministrit, përfshirë një kërkesë formale për koment të adresuar zëdhënësit Përparim Kryeziu më 6 mars, qeveria e Kosovës nuk ka dhënë asnjë përgjigje. Edhe një kërkesë e mëvonshme u injorua, duke ngritur shqetësime mbi gatishmërinë e administratës për të adresuar akuzat serioze mbi kërcënimet ndaj sigurisë dhe dhunën politike në vend.

Roli i Gazetarisë Hulumtuese në Zbulimin e së Vërtetës

Gazetaria hulumtuese luan një rol kritik në ekspozimin e mekanizmave të fshehtë të pushteteve. The Gunpowder Chronicles mbetet i përkushtuar në nxjerrjen e korrupsionit, zbërthimin e konspiracioneve politike dhe mbajtjen e fuqisë nën përgjegjësi.

E vërteta nuk do të heshtë.

📢 Mbështesni Gazetarinë e Pavarur
☑ Dhuro | ☑ Abonohu | ☑ Shpërndaje Këtë Raport

---

1. Mafia Politike e Kosovës: A Do Të Ndalen Apo Do Ta Rrëzojnë Albin Kurtin? — SPOTLIGHT/ The GPC.

2. Kosovo’s Political Mafia: Will They Stop at Nothing to Take Down Albin Kurti? — The GPC.

3.